洛威的127小時

大角咀盧凱鵬甜品店內-------------

黑仔跟謝飛先後接到洛威的電話, 都趕到現場.
洛威一個人坐在卡位, 喃喃自語
"由讀書時開始, 一個星期入面, 我最中意星期五, 因為充滿希望同活力.
出黎做野之後, 我連星期四下午都開始抗奮, 星期六就當然係正啦, 但係星期日都就太頹廢, 太depressed啦, 特別係黃昏, 真係好想死o係星期日下午."

黑仔看一看錶, 諗"而家5點幾, 今日係星期日....條友做乜撚野? "

洛威再Continues"之前諗, 假如比我遇上一個女仔有呢一個諗法, 我會比一百分佢, 一年前我遇上Katie對星期五同星期日都有一樣諗法, 我一路都以為我地係最夾, 但係尋晚佢同我分手, 佢話唔贊成我捐錢比Wikileaks, 話拍拖唔應該睇Michael Moore,  話唔贊成我投票比民主黨, 強調民主o係香港無價值, 原因係我太過左派???? 但係我地一齊時言論自由都冇實行過? 我亦冇爭取呀. 我都唔係極端左仔呀!"

這時, 謝飛大叫一聲" 喂!!! 鵬哥, 你黎睇鋪呀. 我等左你十幾年啦, 我知道我有一日一定o係度見到你架! 你知唔知點解我知道呀?"

盧凱鵬問"哈哈, 靚仔, 咁又點解呀? "

謝飛神色凝重說 "因為我信!!"

盧凱鵬答"哈哈, 靚仔, 我信你晚晚打飛機, 想食咩, 入我數"

洛威並冇pay attention去謝飛跟鵬哥o既對話, 洛威再繼續
"分手地方亦係好重要, 我之前想每一次分手都發生o係一個地方, 好似o係九龍殯儀館前面呀, 第一, 可以將所有傷心放o係一個地方, 唔好擴散出去.  第二, 以後行過點都會急急腳, 唔會諗咁多. 今次點知佢o係我屋企留下Knock Out左我, 仆街, 我日日都要經過."

黑仔好似平時一樣講D好cliche o既說話 "唔緊要啦, 你咁有型又咁大隻, 好易搵個新女朋友既."

洛威都冇在意, 再說 "我覺得失戀感覺好似"127 hours"內James Franco遭遇一樣, 比大石壓住, 走又走唔甩, 最後要用把swiss army knife, 一小忽一小忽將個"心"砌出黎, 你一日未砌哂個心出黎, 你一日都走唔甩呢個mood......我個心碎啦......初戀呀, 我要初戀!!"

黑仔話" 屌, Katie都唔係你初戀."

洛威邊說邊哭........"我唔撚理, 我要初戀呀.......我個心碎左呀....."  

謝飛對盧凱鵬說" 鵬哥! 我要碗西瓜西米露."
盧凱鵬說" 對唔住靚仔, 今日買果D西瓜, 全部個心都係爛架....屌那星!"

---------------------------完-----------------------------------------------------

Katie說分手果晚, 空穴來風的氣氛,冇一首歌可以比Phil Collins - In The Air Tonight更點題.
據說, Phil Collins寫呢首歌比佢前妻.
請留意歌詞, 及最後一段加入了行雷般的鼓聲, 殺一個措手不及.