謝飛的婚禮

歷史上, 關羽要斬華雄, 哥倫布決定出海,瑪麗皇后侮辱交稅比佢洗的人民  ,三島由紀夫砌腹, Heath Ledger暴斃, Kanye West台上拒絕頒獎比Taylor Swift, 吳彥祖結婚, 劉德華唔肯認結婚, 以上事件好似豪無關係, 唯一關係可能只得一個--------- "佢地飲醉酒".

英語世界有一個Phrase叫Liquid Courage, 指酒後提升的勇氣. "酒", 一個永遠鼓勵你勇往直前的摰友, 一把永遠跟你在戰場並肩的機熗 . 試想象"北京"舞池內, 友人對你說"賴蝦毛唔好諗食天鵝肉!", 轉一個頭Johnnie Walker就同你講"呸!~唐僧肉.....今晚非你莫屬!" 

以下一件發生於好友謝飛婚禮上的事, 在我腦海中好像紐約的Rockerfeller  Centre一樣永遠靜止的迄立著......

婚宴中---------------------------------------------------------------------------------

台上的MC黑仔 "食過翅後,都係時候玩下新人! 依家有請新郎走到台下" 

謝飛走到台下.

黑仔 "請將新郎雙眼蒙住" 

兄弟兆傑跟馬超將謝飛雙眼蒙住. 

黑仔 "肯定看不見嗎? 現在請姊妹們及新娘走到台上, 背向新郎, 一字排列"

" 遊戲玩法: 新郎只能用雙手觸摸姊妹的臀部來辨別誰是新娘"

兄弟們打了個突, 用眼神問黑仔"唔撚係呀?"

黑仔即用眼神回答"唔撚關我事架!"

兄弟們再用眼神問"唔撚係咁荀呀?"

黑仔合起了雙眼, 語重心長的點一點頭輕聲答"係...." 露出兩個走渦

謝飛先後將姊妹的臀部逐一檢閱, 每個姊妹花上半分鐘(除新娘外只用上兩秒).

黑仔 "新郎有了結果沒有?"

謝飛用力想了一下 ,說"拿酒來!"

馬超送上喜力, 謝飛喝了一大口.

謝飛 "太難分辨......由頭再來!"

謝飛走到排例第一, 身材豐滿的姊妹Katie背後, 出力地檢閱其臀部二十多秒.

突然停了下來,當眾人的集中力凝聚一起時..........

謝飛竟使出了一招海低撈月!!

兆傑跟馬超立即上前阻止,情況近乎瘋狂.

台上的黑仔望著新娘大叫"唔關我事架, 遊戲謝飛度架!!"

席上的我跟黃鷹看得目定口呆, 我記起一次在家中跟謝飛一邊喝啤酒, 一邊打winning時, 我問謝飛 “喜歡喝酒嗎?”

謝飛pause了winning eleven,  望著我說 “我跟酒, 猶如戀人!”

這時, 侍應拿著一碟餸過來.

侍應說 "紅燒脆皮雞."

黃鷹看著剛放下的燒雞, 立即夾了一隻雞脾, 咬了一大口, 看著我說 “隻脾超~~嫰”

一片混亂中, 隱約能聽見酒樓播出陳潔靈的 “飲多杯勝既熱烈地唱..........."