TARANTINO

 
以下係Quentin Tarantino認為2011年最好的11套電影, 留意第10位, 係有兩部電影, 一部係將會係奧斯卡提名The Artist, 另一部係商業喜劇Our Idiot Brother, 好似反手摑左奧斯卡個人像一巴咁.

Quentin Tarantino’s official Top 11 of 2011


1. Midnight In Paris
2. Rise Of The Planet Of The Apes
3. Moneyball
4. The Skin I Live In
5. X-Men: First Class
6. Young Adult
7. Attack The Block
8. Red State
9. Warrior
10. The Artist / Our Idiot Brother (tie)
11. The Three Musketeers


Others considered in no particular order


50/50
Beginners
Hugo
The Iron Lady
Carnage
Green Hornet
Green Lantern
Captain America
The Descendants
My Week With Marilyn
Fast Five
The Tree Of Life
The Hangover Part II
Mission: Impossible - Ghost Protocol
The Beaver
Contagion
The Sitter
War Horse

http://www.tarantino.info/

MACPHERSON (後)

這個人, 藍球裝扮, 腳上穿著我最鍾意的Jordan第3代, 他向我跟審問員走過來, 我知道他是誰……他都是我. 

他說 "第一件事係你地要搞撚清楚邊個係“我, 他同他”. 個故事應該由一個更加合適的人去旁述.  假如一個人的精神系統等於一個君主政體, 處於呢一個三角形最尖釘的這個人, 呢個皇帝, 先有資格去旁述. 呢個case入面, 我幾肯定呢個皇帝係一個臭西暴君, 因為佢係------"我". 由呢一刻起所有我講的說話, 會變成"我說".  你地講的說話, 會變成"審問員說", 同"囚犯說". 但假如你地再激撚嬲我, 你地將會變成臭西1, 臭西2說."

囚犯說 "君主政體? 我地三個係處於同一個平台, 即佛洛伊德所講的....."

審問員補說" 自我, 超我與本我"

我說" 唔係, 我話你係左唇, 佢係右唇, 夾埋係一塊西. 我比你們更加優越, 你地明唔明? 佛洛伊德有食大麻習慣, 你完全相信他的說話嗎?"

審問員沒有理會, 說" 乜都好, 呢一刻你需要做一個決定, 射波, 傳波定剷籃."

我說"一個咁簡單的決定, 我每多花一秒鐘跟你們討論, 我就增加對自己智慧的羞辱. 我唔需要有任何顧慮, 我只需要用一樣野去決定------KILLER INSTINCT, 請---“食撚屎”."

審問員說" KILLER INSTINCT?! 真係? 究竟人生有幾多樣野係可以用Killer instinct去幫自己選擇? 人生係一部漫長的悲劇, 只向衰老, 孤獨及死亡進攻. 為了將人生悲痛的衝擊減到最底, 你下意識制造了我同囚犯, 我地係呢部悲劇的buffer. 但你而家同我講乜撚野killer instinct?!! 哈~~ 好! 我同囚犯而家走, 不過我知道我地好快又會出現.”

我舉起兩隻中指示意"死撚開".

審問員將他頭上那頂屎帽向我拋過來, 我接住了, 他們亦離開審問室.

黑房變得很靜, 天花遠處傳來一陣飛機引擎的響聲,  抬頭一看, 一架飛機滑過旺角夜空.

手上的屎帽漸變成橙色, 不停澎漲成籃球的形狀.

眼前的防守球員再次出現, 我開始用右手帶球, 左插花, 右插花,球再回到右手.

左肩,眼睛跟心口輕輕向左挨, 左腳向前移動, 踏入了防守球員的領土.

我輕吸一口氣, 這一刻我任由運動神經跟肌肉記憶帶領身體.

呼氣同時, First Step啓動, 帶球, 右腳踏出, 我已超越他半個身位.

左腳再踏步, 完全擺脫, 接住右手上籃.

球在籃圈上轉了兩個圈, 彈出來, 防守球員摘下籃板球, 傳出三分線外的球員, 快投一個三分球, 進了. 球賽完結, 輸了.

我坐在場邊休息, 看見舊伊館後門牆上貼了一張中旅社的宣傳海報, 海報印了幾幅中國名勝插圖, 長城, 九寨溝, 樂山大佛等, 下方有一句標語, “未到達的領域令人振奮”.

有人塗鴉將句子改成 “未到達的人生令人窒息”, 看著想起了審問員.

隊友向我拋了一罐綠力, 我喝了一大口, 然後向正在打比賽的球員大喊 “跟隊!!! 臭西!” 

---------------------完---------------------------------------------

MACPHERSON (中)

我的對手由球場上的防守球員變成黑房內的審問員.

我看到自己由運動裝變了一身橙色的監犯裝.

審問員則一身神探裝扮, 咬煙斗, 乾濕褸, 不過頭上帶頂屎狀的帽, symbol住 "he is going to give me hell of a shitty time".

他說 "你認為option有好多個, 其實option從來都唔存在, 因為最好的option永遠只有一個, 呢個叫solution. With all due respect, 我希望你認同我對你的建議 - 傳球. 好唔好?"

我說 "唔好! 我應該兩下插花, fake左邊, 過右邊帶球上籃. 記住我係一個好厲害的籃球員."

他揍起眉頭說 "厲害的籃球員?! 你曾經係, 而家可能係, 將來一定唔係. 你認為你而家接近曾經定將來多些?"

我說 "Michael Jordan 28歲拎第一次Champion, 直至35歲拎最後一次. 28歲係頂峰."

他說 "Dude, you're no MJ, you're just a yellow boy. 不如諗下收穫及風險. 剷籃的收穫係勝利, 增強自我感覺. 風險呢? 受傷, 影響隊友士氣, 呢兩樣野都可以隨時間已減退, 但係永遠背負失敗呢個沈重的包袱, 你認為你可以cope嗎? Face it, lets be me, I am the real Ben Ip"

我說 "嘩! 你講緊valuation? Okay! Let me tell you something, 記得當時打學界比賽, 對過DBS,　當時我地防守打3-2, 3個打底, 2隻翼. 我打翼, 當時我地個陣打得好, 逼到DBS個Point Guard傳一個大斜線, 我intercept左個傳球, 反防為快攻, 前方只有一個DBS球員同我平排, 我一邊右手帶波,　左邊膊頭一邊挨住防守球員, 我當時帶住波的速度比佢跑步重要快, 最終將佢擺脫左, 上籃, 比賽分數拉平. 賽果其實都唔重要, 最重要係果一刻係我個人歷史上跑得最快的一次, 腎上腺素標升令我係進入忘我狀態超越自己, 究竟呢一個state of mind, 你又點樣去value呢? Come on, embrace me. Let me be me, I am Ben fuckin Ip"

他大力吸一口煙斗, 向我面上噴. 

我跟他的意識形態在對峙之間, 突然間有人嘭一聲踢門而入. 他站在門前, 房外的光線很亮, 我只能看見他的外形及聽到他歇斯底里大叫一聲 "屌你個西!!"


----------續----------------

MACPHERSON (前)

麥花臣球場, 據說係地球上平均每日入場人數最多的球場. 麥花臣內的籃球場四周被鐡絲網圍住, 其中一塊鐡絲網與舊伊館的後門之間有一條小巷, 巷內通常有幾個有海洛英癮的道友像喪屍般徘徊, 而舊伊館牆上有一層層的塗鴉. 

這一刻我正身處籃球場上, 三打三的球賽中, 站在胡盧頂前, 拿著籃球在心口前, 心跳加速, 深呼吸, 瞳孔放大, 大腦需要比平時多一倍的訊息及氧氣去處理恐懼, 腎上腺素標升, 正準備進攻. 莎士比亞認為世界最核心的選擇只有兩個"to be or not to be", 這一刻我的選擇卻有三個"shoot, pass or drive", 他比我渺小三分之一.

防守球員準備反應我的攻勢, 我斜望了一下被霓虹光映照得五顏六色的旺角夜空. 我的視線慢慢移落, 被球場的射燈刺了一下, 我緊閉起雙眼想令光印盡快退色, 當再瞪大眼睛時, 強光卻沒有減退, 反而更猛烈, 光印以外的周圍漆黑一片, 發現自己處身一個像警察的審問室的空間, 一盞麻雀燈向我照過來, 看不見審問員的面孔, 輪廓卻很熟悉. 他說 "每個馬拉松選手總試過在賽事的尾段遇上突如其來的心理恐懼而引發起體力不繼, 最終令他們放棄比賽, 這個現像普遍稱為"THE WALL". "THE WALL"不單出現於馬拉松上, 在日常的生活當中, "THE WALL"係大家在堅持與放棄之間的一個關口, 而呢一刻我係你跨不過的"THE WALL"". 

說完之後, 審問員從強光後向我迎面走過來, 看到了他的樣貌, 我知道他是我的Nemesis*, 他是我.

----------續----------------

*Nemesis - someone's nemesis is a person or thing that is very difficult for them to defeat.